林進一:創作音樂不要害怕失敗

(長按上面圖片QR Code,即可關注廣野)

Mathew

自細學習音樂嘅林進一(Mathew),大學畢業後即創辦3AM Music Studio,提供音樂創作服務,立志做一個全職音樂創作人。然而,開業無幾耐就發現本澳嘅音樂市場並唔容易經營,故此轉而開發新產品,將音樂創作同音樂盒互相結合,打造出客製化音樂產品「DIY音樂盒」,開拓出一個全新嘅發展方向。

記:Isaac

林:林進一(Mathew)

Mathew自小學習音樂

記:Mathew目前主要嘅工作?

林:凌晨音樂工作室創辦人,主要從事音樂創作同音樂教育。

記:點解會選擇以音樂為事業?

林:自小喺琴行學習鋼琴,身邊有好多朋友成日都會問我點樣彈一首歌同作一首歌。大學畢業後成立凌晨音樂工作室,起初以作曲為主。開業兩個月,發現澳門市場對於作曲嘅需求唔大,後來加入一啲新嘅想法,就係製作音樂盒,將客人想要嘅旋律,原創歌或者係流行歌,編製旋律放入音樂盒入面。

DIY音樂盒

記:你嘅音樂盒有咩特別之處?

林:特別之處係可以用特製嘅五線譜紙,喺上面打窿,創作旋律,放入去音樂盒再攪動,就會奏出音樂,可以用嚟作為禮物送畀人,將音樂變成一個實體嘅產品。

DIY音樂盒及譜(圖片由受訪者提供)

記:日後會有何發展?

林:未來會推出唔同嘅電子化音樂盒款式,例如可以錄音或者播放多首樂曲。

各種款式的音樂盒(圖片由受訪者提供)

心型音樂盒(圖片由受訪者提供)

玫瑰花音樂盒(圖片由受訪者提供)

記:認為澳門嘅音樂產業市場情況如何?

林:起初係想做音樂創作,不過發覺澳門人較少接觸澳門音樂,好少人會想作一首歌送畀人,而台灣會較流行呢種做法,所以我先推出呢個音樂盒,間接推動我嘅音樂創作。

跟隨澳門文創館參加展覽(圖片由受訪者提供)

記:最後,與讀者分享一句說話?

林:創作過程中一定會經歷失敗或者挫折,但係呢啲都係成功嘅必經之路,千祈唔好害怕失敗,要勇敢去嘗試。

跟隨澳門文創館參加展覽(圖片由受訪者提供)

(訪後餘記:Mathew立志以音樂為事業,初出茅蘆就碰上市場冷淡嘅難關,於是及時動腦筋轉型,既堅持咗音樂創作嘅大方向,又變化出一個新嘅實體商品,可謂創意十足,值得嘉許。)

3AM Music Studio

https://www.facebook.com/3AMMusicStudio/

記者/Isaac

「創作過程中一定會經歷失敗或者挫折,但係呢啲都係成功嘅必經之路,千祈唔好害怕失敗,要勇敢去嘗試。」

關注我們 ,

了解更多

澳門新鮮事

  • 发表于:
  • 原文链接:http://kuaibao.qq.com/s/20180124G0VPCO00?refer=cp_1026

扫码关注云+社区